MANUEL PELLEGRIN AMJIA JUU MOURINHO.

MENEJA wa klabu ya Manchester City, Manuel Pellegrini amemshukia meneja wa Chelsea Jose Mourinho kwa  kumwambia kuwa kocha yoyote mwenye uwezo huwa hachezi na akili za watu.

Pellegrini amesema hayo muda mfupi baada ya Mourinho kudai kuwa timu yake haiko katika mbio za ubingwa wa Ligi Kuu pamoja na ukweli kuwa walioongoza ligi hiyo kwa wiki kadhaa.

Mourinho alienda mbali zaidi Jumamosi akidai kuwa ni suala lisilowezekana kwa timu yake kushinda taji hilo kwa mara ya kwanza toka mwaka 2010 kufuatia kipigo cha kushtusha kutoka kwa Crystal Palace.

Lakini Pellegrini amesisitiza kuwa mbinu anazotumia Mourinho haziwezi kumsaidia kwasababu hadhani kama kuna meneja yoyote anayetilia maanani mawazo yake.

Pellegrini amesema mara nyingi huwa hana cha kumjibu kwa kuwa hafahamu anachokizunguzma.

                                                                   Manuel Pellegrini