MUSOMA KUINGIA KWENYE MFUMO WA DIGITAL APRIL 30 SAA SITA USIKU.

MUSOMA:

MAANDALIZI YA KUZIMA MITAMBO YA ANALOJIA YA UTANGAZAJI WA TELEVISION KWA MJI WA MUSOMA MKOANI MARA YAMEKAMILIKA KWA KUWASHIRIKISHA WADAU WA SEKTA YA UTANGAZAJI.

AWAMU HII INAHUSISHA MIKOA YA MARA NA KAGERA NA HII NI BAADA YA ZOEZI HILO KUKAMILIKA KATIKA MIKOA YA SINGIDA NA TABORA

MITAMBO ITAZIMWA SAA SITA KAMILI USIKU WA TAREHE 30 APRIL, 2014 HUKU KUWEPO UTANGAZAJI WA MFUMO WA ANALOJIA PAMOJA NA KIDIJITI KWENYE ENEO HUSIKA, UPATIKANAJI VINGAMUZI NA UWEPO WA CHANELI TANO ZA KITAIFA KWENYE MFUMO WA KIDIJITI VIKITUMIKA KAMA VIGEZO VYA ZOEZI HILO.

MENEJA MAWASILIANO WA MAMLAKA YA MAWASILIANO NCHINI (TCRA) BW INNOCENT MUNGY AMEELEZA KUWA MAENEO AMBAYO HAYANA MIUNDO MBINU YA DIJITALI HAYATAZIMWA KWASASA HADI YAPATE DIJITALI HUKU AKISISITIZA KUWA MABADILIKO HAYO HAYAHUSU MATANGAZO KWA NJIA YA UTANGAZAJI WA SATELAITI, WAYA (CABLE) NA REDIO.

ZOEZI HILO LINAKUJA HUKU KUKIWA NA CHANGAMOTO YA GHARAMA ZA VINGAMUZI AMBAPO WANANCHI HASA WAKIPATO CHA CHINI WAKISHINDWA KUMUDU KUNUNUA NA KULIPIA VIFURUSHI VYA KILA MWEZI

AIDHA MAMLAKA YA MAWASILIANO (TCRA) IMEAGIZA WATOA HUDUMA ZA KUSAMBAZA VINGAMUZI WALIOKO MJINI MUSOMA KUHAKIKISHA KUWA KUNAKUWA NA VINGAMUZI VYA KUTOSHA.

MWISHO........