WABABE WA MAN U WALOA NYUMBANI KWAO WAPIGWA 3-0 DORTMUND.

Huko Allianz Arena, Borussia Dortmund Leo hii wamewatwanga Mabingwa wa Bundesliga, Bayern Munich, Bao 3-0, na kuendelea kukamata Nafasi ya Pili kwenye Ligi hiyo ya Germany.

Bayern Munich walimudu kutetea Taji lao kwa Msimu wa Pili mfululizo Wiki mbili zilizopita kwa kutwaa Ubingwa wakiwa na Mechi 7 mkononi.

Lakini Leo hii walitandikwa na Dortmund kwa Bao za Henrikh Mkhitaryan, Dakika ya 20, Marco Reus, Dakika ya 49, na Jonas Hofmann, Dakika ya 56.

Bayern walimaliza Mechi hii Mtu 10 baada ya Beki wao Rafinha kutolewa kwa Kadi Nyekundu kwa kumpiga usoni Mkhitaryan.

Kwenye Mechi hii, Dortmund walimpiga Benchi Mshambuliaji wao mkubwa, Robert Lewandowski, ambae mwishoni mwa Msimu anahamia Bayern.

Msimu huu, Dortmund imeifunga Bayern mara mbili kwa kuichapa Bayern 4-2 kwenye Fainali ya German Super Cup hapo Tarehe 27 Julai 2013 na hii Leo, na Bayern kuifumua Dortmund 3-0 kwenye Bundesliga hapo Tarehe 23 Novemba 2013 kwenye Mechi iliyochezwa Signal Iduna Park, Nyumbani kwa Dortmund.