KAMWAGA KATIBU MKUU MPYA SIMBA HUKU NAFASI YAKE UAFISA HABARI IKICHUKULIWA NA MWANAMKE ASHA MUHAJI

MWENYEKITI wa Simba SC, Alhaj Ismail Rage anatarajiwa kumtaja Ezekiel Kamwaga kuwa Katibu mpya wa klabu hiyo, nafasi iliyoachwa wazi na Evodius Mtawala aliyejiuzulu baada ya kuteuliwa Shirikisho la SOka la SOka Tanzania (TFF).

Aidha, mbunge huyo wa Tabora Mjini CCM, atamtaja pia Mwandishi mwandamizi wa magazeti ya Bingwa na Dimba, Asha Muhaji kuwa Ofisa Habari mpya wa klabu hiyo ya Mtaa wa Msimbazi, nafasi ambayo inaachwa wazi na Kamwaga anayepanda cheo.

Habari kutoka ndani ya Simba SC, zimesema kwamba Rage atakuwa na Mkutano na Waandishi wa Habari mchana wa leo Dar es Salaam kutaja wateuliwa hao wapya.

CHANZO: BIN ZUBEIR.

EZEKIEL KAMWAGA KATIBU MKUU MPYA SIMBA

ASHA MUHAJI MSEMAJI MPYA WA SIMBA