SERIKALI MKOANI MARA KUKABILIANA NA BAA LA NJAA.

MUSOMA.

SERIKALI IMEANZA KUCHUKUA HATUA ZA HARAKA ZA KUKABILIANA NA TATIZO KUBWA LA UGONJWA WA ZAO LA MUHOGO MKOANI MARA AMBAO UMESABABISHA MAENEO MENGI KUKABILIWA NA NJAA KALI.

AKIZUNGUMZA KWA NIABA YA SERIKALI MTUMISHI KUTOKA TUME YA TAIFA YA SAYANSI NA TEKNOLOJIA AMBAE NI MRATIBU WA TAIFA JUKWAA LA BIOTEKNOLOJIS NCHINI BW. PHILIBERT NYINONDO AMESEMA WAMEKUWA WAKIPOKEA TAARIFA ZA MKOA WA MARA KUHUSU NJAA YA MARA KWA MARA KUTOKANA NA MAGONJWA YA ZAO LA MUHOGO KUWA NI ZAO KUU LA CHAKULA.

AMESEMA KUWA PAMOJA NA JUHUDI ZA SERIKALI MKOANI MARA  ZA KUHAKIKISHA WANAFANYA KILA LIWEZEKANALO KUTOKOMEZA UGONJWA HUO,LAKINI ZIMEGONGA MWAMBA HIVYO SERIKALI IMEAMUA KUANZA KWA UTAFITI ILI KUJUA CHANZO CHA UGONJWA HUO NA SABABU ZA KUENDELEA KUSHAMIRI.

KWA UPANDE WAKE AFISA KILIMO NA MTAFITI MKUU KUTOKA KITUO CHA UTAFITI WA KILIMO  BW. JOSEPH NDUNGURU, AMESEMA KUWA KUFUATIA HALI HIYO KUNA NJIA AMBAYO WAMESHAIGUNDUA KUWA NDIO NJIA MWAFAKA YA KUKINZANA NA UGONJWA HUO AMBAYO KABLA YA KUANZA KUTUMIKA NI LAZIMA ELIMU ITOLEWE KWA WAKULIMA NA VIONGOZI WAWE NA LUGHA MOJA YA KUTOKOMEZA UGONJWA HUO.

NAE AFISA KILIMO MKOA SAMWELI SASI, AMESEMA SERIKALI IMEFANYA JAMBO LA BUSARA KUSAIDIA KUONDOA TATIZO LA MAGONJWA YA MAZAO MASHAMBANI HASA ZAO LA MUHOGO AMBALO NDIO ZAO TEGEMEO LA CHAKULA KATIKA MKOA WA MARA.

AFISA KILIMO HUYO WA MKOA WA MARA AMESEMA KUWA ZAO LA MUHOGO LIMEKUWA LIKISHAMBULIWA NA UGONJWA WA BATOBATO KALI NA MICHIRIZI YA KAHAWIA HIVYO KWAMAENEO AMBAYO HULIMA MIHOGO KUSHINDWA KUPATA CHAKULA HIVYO KUKUMBWA NA NJAA KILA MWAKA.

 MWISHOO...