AGIZO LA RAIS KIKWETE LAANZA KUTEKELEZWA

WANANCHI WAOMBWA KUCHANGIA UJENZI WA MAABARA.

MJUMBE WA HALMASHAURI KUU YA UMOJA WA VIJANA UVCCM WILAYANI BUTIAMA BW. MGINGI MHOCHI AKIZUNGUMZA NA MWALIMU MKUU WA SHULE YA SEKONDAR KYANYARI MWL. ANOLD SASI.

 

NA AHMAD NANDONDE,

 

BUTIAMA.

WANANCHI WAISHIO KATIKA KATA YA KYANYARI WILAYANI BUTIAMA WAMEOMBWA KUWA NA MOYO WA KUJITOLEA KATIKA UCHANGIAJI WA UJENZI WA MAABARA KATIKA SHULE YA SEKONDARI YA KYANYARI ILIYOPO WILAYANI HUMO ILI KUTEKELEZA AGIZO LILILOTOLEWA NA RAIS WA JAMHURI YA MUUNGANO WA TANZANIA DK. JAKAYA MRISHO KIKWETE.

AKIZUNGUMZA KATIKA ZIARA YAKE ALIYOFANYA KATIKA SHULE YA SEKONDARI YA KYANYARI MJUMBE WA HALMASHAURI KUU YA UMOJA WA VIJANA UVCCM WILAYANI BUTIAMA BW. MGINGI MHOCHI AMESEMA PAMOJA NA HALI MBAYA KIUCHUMI LAKINI NI WAJIBU WA KILA KIONGOZI NA MWANANCHI MWENYE UWEZO HUSUSANI AMBAO HAWAJACHANGIA KUJITOKEZE ILI KUSAIDIA KUKAMILIKA KWA UJENZI HARAKA.

AKIONESHA KUGUSWA KWAKE NA UMUHIMU WA UPATIKANAJI WA MAHABARA BW. MHOCHI AMETOA MSAADA WA MIFUKO MITANO YA SARUJI PAMOJA MCHANGA LORI TATU ILI UJENZI HUO WA MAABARA UWEZE KUKAMILIKA KWA MUDA ULIOKUSUDIWA.

NAYE MWALIMU MKUU WA SHULE HIYO BW. ANOLD SASI AMEKIRI KUWAPO KWA TATIZO HILO LA UKOSEFU WA LA MAABARA HALI INAYOWALAZIMU KUTUMIA DARASA DOGO LENYE VIFAA VICHACHE AMBAVYO HAVIKIDHI MAHITAJI YA WANAFUNZI HAO HALI INAYOPELEKEA WANAFUNZI KUFANYA MITIHANI YAO KATIKA MAZINGIRA MAGUMU.

AKIZUNGUMZA KWA NIABA YA WANAFUNZI WENZAKE SHULENI HAPO MWANAFUNZI WA KIDATO CHA TATU A (MCHEPUO WA SAYANSI) SPRINA JOSEPH AMESEMA KUWEPO KWA UFINYU WA MAABARA KUMEPELEKEA KUVUNJIKA MOYO KWA BAADHI YA WANAFUNZI HIVYO KUYAKIMBIA MASOMO HAYO KWENDA KATIKA MASOMO YA MCHEPUO WA ARTS KITU AMBACHO AMESEMA KAMA KITAENDELEA BASI UPO UWEZEKANO WA TAIFA KUPOTEZA WANASAYANSI WENGI HUSUSANI WATAALAMU WA TIBA HAPA NCHINI.

ITAKUMBUKWA KUWA MNAMO MWEZI JULAI MWAKA HUU RAIS WA JAMHURI YA MUUNGANO WA TANZANIA MH. JAKAYA KIKWETE ALITOA AGIZO KWA WAKUU WOTE WA MIKOA NA WILAYA HAPA NCHINI KUHAKIKISHA WANASHIRIKIANA NA WANANCHI ILI KILA SHULE YA SEKONDARI KATIKA MAENEO YAO, INAKUWA NA MAABARA KWA AJILI YA MASOMO YA SAYANSI. 

MWISHO......