PWANI,
NA JICHO LA MDADISI.
KLABU YA AZM FC YA JIJINI DAR
ES SALAAM LEO IMEONESHA WAZI NIA YAKE YA KUUSAKA UBINGWA LIGI KUU SOKA TANZANIA
BARA BAADA YA KUIDADAVUA TIMU YA SOKA RUVU SHOOTING YA PWANI KWA MABAO 3-0
KATIKA MCHEZO ULIOMALIZIKA JIONI HII KATIKA UWANJA WA MABATINI MLANDIZI MKOANI PWANI.
AZAM FC ILIUFUNGUA UKURASA WA MABAO KATIKA DAKIKA YA TISA KWA BAO LILILOWEKWA KIMIANI NA GAUDENCE MWAIKIMBA HUKU BAO LA PILI LIKIWEKWA KIMIANI DK YA 36 NA MID MAO AKIMALIZIA KONA ILIYOCHONGWA NA ERASTO NYONI KAMA ILIVYOKUWA KWA BAO LA KWANZA NA HADI TIMU HZIO ZINAKWENDA MAPUMZIKO TAYARI WALIKUWA WANAONGOZA KWA MABAO 2-0.
AWALI RUVU SHOOTING WALIPATA
PIGO KUBWA BAADA YA MLINDA MLANGO WAO ABDUL SEIF KUUMIA NA KUSHINDWA KUENDELEA
NA MCHEZO HUO BAADA YA KUGONGANA NA JOHN BOCCO KUNAKO DAKIKA YA 32 NA NAFASI
YAKE KUCHUKULIWA NA MLINDA MLANGO NAMBARI MBILI ABDALLAH RASHID.
AZAM WALIREJEA KATIKA KIPINDI CHA PILI KAMA MBOGO WALIOJERUHIWA KWANI ILIWACHUKUA NUSU DAKIKA TU KUANDIKA BAO LA TATU NA LA USHINDI BAO LILILOWEKWA KIMIANI NA RAIA WA IVORY COAST KIPRE TCHETCHE BAADA YA KUMALIZIA PASI SAFI TOKA KWA KIPRE BALOU.
KUINGIA KWA BAO HILO LA TATU KULIWAFANYA WENYEJI RUVU SHOOTING INAYOFUNDWA NA KOCHA MKENYA THOM OLABA KUCHEZA ZAIDI MCHEZO WA KUJIHAMI ZAIDI ILI KUTORUSU MABAO MENGINE ZAIDI.
MCHEZO HUO AMBAO AWALI ULIKUWA UFANYIKE HAPO JANA ULILAZIMIKA KUAHIRISHWA BAADA YA MVUA KUBWA KUNYESHA NA HIVYO KUPELEKEA UONGOZI WA KLABU HIZO, UONGOZI WA TFF PAMOJA NA MAKOCHA KUSHINDWA KURIDHISHWA NA HALI YA UWANJA KUTOKANA NA KUJAA MAJI.
WANALAMBA LAMBA HAO SASA WANAHITAJI POINT TATU TU ILI KUHAKIKISHA WANAIBUKA NA UBINGWA KATIKA MICHEZO YAO MIWILI ILIYOSALIA.
KWA USHINDI HUO WA HII LEO
UNAIFANYA KLABU HIYO YENYE MASKANI YAKE CHAMAZI KUJIWEKA KARIBU NA UBINGWA WA
LIGI KUU AMBAPO SASA AZAM FC INAFIKISHA POINTI 56 BAADA YA KUCHEZA MECHI 24,
IKIFUATIA NA MABINGWA WATETEZI, YANGA SC WENYE POINTI 52 HUKU NAO WAKIWA NA
GEMU MBILI MKONONI BAADA YA KUCHEZA MICHEZO 24 KAMA AZAM.
MWISHO......
0 comments:
Post a Comment